წიგნში აღწერილია ეგვიპტური პირამიდების დანიშნულება. ავტორის აზრით, ეგვიპტელები პირამიდების მეშვეობით ხელს უწყობდნენ ქვიშოვანი ქარიშხლისა და ტორნადოს გენერაციას, და ამას აკეთებდნენ რელიგიური მოსაზრებიდან გამომდინარე. კერძოდ, ეგვიპტელები თვლიდნენ რომ ტორნადო უზრუნველყოფდა გარდაცვლილი ფარაონის სულის აყვანას ცაში, ხოლო ქვიშოვანი ქარიშხალი უზრუნველყოფდა ფარაონის სულის დაბრუნებას ფარაონის სხეულში. 

წიგნში ასევე წარმოდგენილია აღნიშნული თეორიის მიხედვით  ჩატარებული ექსპერიმენტების შედეგები, სადაც პირამიდის მაკეტის თავზე მიღებული იქნა ტორნადოსა და ქვიშოვანი ქარიშხლის მსგავსი ჰაერის მოძრაობა. 

ავტორის მიერ პირამიდის ტექსტებში მიგნებულ იქნა ტორნადოს საწყისი ფაზის ჩანახატი. ტორნადოს საწყისი ფაზის ფიგურა პირამიდის ფიგურის მახლობლად იქნა ნაპოვნი რაც პირამიდის და ტორნადოს ურთიერთკავშირზე მიგვითითებს. 

ეგვიპტური პირამიდების დანიშნულების შესახებ, არსებული მრავალი თეორიის მიუხედავად, წარმოდგენილი მონოგრაფიის ავტორი გვთავაზობს, ახალ და საფუძვლიან თეორიას პირამიდების დანიშნულების შესახებ. თავისი თეორიის დამადასატურებლად ავტორი წარმატებით იყენებს მეცნიერების სხვადასხვა სფეროში დაგროვილ ცოდნას. როგორიცაა: ძველი ეგვიპტის ისტორია, თეოლოგია, მეტეოროლოგია,იეროგლიფური დამწერლობა და ატმოსფეროში მიმდინარე პროცესების ლაბორატორიული მოდელირება. ავტორი იყენებს ძველი ეგვიპტის ისტორიაში არსებულ ინფორმაციას ამ პერიოდში ნოტიო კლიმატის არსებობის შესახებ და თვალნათლივ გვაჩვენებს ამ რეგიონში ისტორიულ წარსულში ტორნადოს წარმოქმნის რეალურ შესაძლებლობას. გრანდიოზული და მაშტაბური ბუნებრივი მოვლენას, ტორნადოს ახასიათებს ჰაერის ძლიერი აღმავალი დინება, ვერტიკალურად ცისკენ. ავტორის აზრით, ეგვიპტელებმა ტორნადო ჩათვალეს სულების ცაში ამყვან მოვლენად. 

ეგვიპტელმა მეცნიერებმა შეისწავლეს რელიეფის ტიპი, რომელსაც შეუძლია ხელი შეუწყოს და სტიმული მისცეს  ტორნადოს ხელისშემწყობ პროცესს ატმოსფეროში. და, პირამიდის სახით შექმნეს შენობა, რომელმაც გაითავისა ორი დანიშნულება; სამარხი, რომელიც უზრუნველყოფდა ფარაონის სულის ასვლას ცაში, ეგვიპტელთა ღვთაება ''რა''-სთან.

ავტორი თვალნათლივ გვიჩვენებს რომ ხელოვნურად შექმნილი კლდე ანუ თეთრი ფერის პირამიდა, მისი პირვანდელი სახით, ქმნიდა მკვეთრ ტემპერატურულ ნახტომს განლაგებით; ცივი ცენტრი (პირამიდა) – ცხელი გარემო. აღნიშნული ტემპერატურული სხვაობა, ხელს უწყობს სპეციფიური ღრუბლის ჩამოყალიბებას, ამ ფორმის ღრუბელი, ტორნადოს ჩამოყალიბებისთვის საჭირო სხვა პირობებთან ერთად თამაშობს მნიშვნელოვან როლს ტორნადოს სრული გენერაციის პროცესში. 

მონოგრაფიაში წარმოდგენილია ორიგინალური ლაბორატორიული ცდები აღნიშნული თეორიის მხარდასაჭერად. მონოგრაფიაში წარმოდგენილია ასევე ე.წ.  პირამიდის ტექსტი, სადაც ავტორი გვთავაზობს ეგვიპტელთა მიერ გაკეთებულ იეროგლიფურ ჩანაწერებს, აღნიშნულ ფიგურებში აშკარად ჩანს პირამიდის ფიგურის გვერდით ტორნადოს საწყისი ფაზის ჩანახატი. 

მონოგრაფია ძირითადად ეფუძნება საფუძვლიან სამეცნიერო ფაქტებს, ისტორიულ  მონაცემებსა და ლაბორატორიულ  დასკვნებს.  მონოგრაფიაში გაეცნობით ცნობილ მეცნიერთა რეცენზიებსაც. 

ყოველივე, რასაც ვხედავთ და განვიცდით, ცხოვრებაა და, ლიტერატურა კი ცხოვრებას მისი უცნობი მხრიდან უყურებს: ხომ შეიძლება ის სხვანაირი ყოფილიყო? შესაძლებელსა და შეუძლებელს (მიუწვდომელს, მოუხელთებელს, გაუცნობიერებ-ელს) შორის ჭიდილში მდიდარი წარმოსახვით ჩართულ ადამიანს კი (მით უფრო, თუ ის ხელოვანია -  წერს, ან ხატავს ან ორივე ერთად), ხშირად სრულიად ახალი სივრცეები ეხსნება და ”აქ” დარჩენილთათვის ეს საუცხოო სინამდვილეა - ფანტას-მაგორია, პოეტური სახელით - სიგიჟე. 

გიზო ვაშაკიძის მოთხრობებში ეს უცხო სამყარო თვალისმომჭრელად გამოიყურება - ჯერ თხრობის ექსპრესია გიზიდავს მასში, მერე თემატიკის ბიბლიური სურნელება, თითქოს პირველყოფილ, რაღაც პირველქმნად აქტთან თუ საგანთან შეხება, რომელიც საკუთარ თავში უამრავ კითხვას დაგასმევინებს და ამ ავტო-დიალოგში შესაძლოა შენი ახალი ”მეორეც” აღმოაჩინო... ეს კი დამეთანხმება მკითხველი, ყველაზე ჟრუანტელიანი განცდაა, ყველაზე ნამდვილი და ღირსეული განცდა ჩვენს ადამიანადყოფნის ისტორიაში -იპოვო საკუთარი თავის თუნდაც ერთი ნაწილი, როგორც ახალი ვარსკვლავი უსასრულო გალაქტიკაში. იპოვო და განაგრძო გზა დანარჩენი მთელისკენ...ამ მოთხრობების მოელვარე ენერგია ამ გზისკენაც გიბიძგებთ.

ნინო სადღობელაშვილი

წიგნის პრეზენტაციის (2013 წლის 3 მარტი) ვიდეოვერსია შეგიძლიათ იხილოთ ბმულზე:  https://www.youtube.com/watch?v=JYwMkH1Quxs&feature=youtu.be

წიგნში ''მეშვიდე საყვირი'' ავტორი გვთავაზობს 2000 წლის წინ შექმნილი ქრისტიანული ხელნაწერების განმარტებას. კერძოდ, იოანეს გამოცხადების (აპოკალიფსის) იმ ნაწილის განმარტებას, სადაც აღწერილია დღევანდელი ეპოქაში მიმდინარე პროცესები - ჩვენი ცივილიზაციის ტექნოლოგიურ ეპოქაში შესვლა და ერაყ ქუვეითის ომი, რომელიც 1991 წელს წარიმართა. 

გიზო ვაშაკიძის მეორე საქმიანობაა ფერწერა. მისი ნამუშევრები ინახება სხვადასხვა ქვეყნის კერძო კოლექციებში. არის რამდენიმე პერსონალური და ჯგუფური გამოფენების მონაწილე, როგორც საქართველოში, ასევე მის საზღვრებს გარეთ. წარმოგიდგენთ ალბომს, სადაც იხილავთ  ავტორის მიერ შესრულებულ ტილოებს: პეიზაჟებს, ნატიურმორტებს და აბსტრაქციებს.